Askora https://www.askora.com/eu/ Elikadura eta Zerbitzuak Thu, 14 Mar 2024 10:57:42 +0000 eu hourly 1 https://wordpress.org/?v=6.0.3 https://www.askora.com/wp-content/uploads/2023/03/cropped-Favicon-1-32x32.png Askora https://www.askora.com/eu/ 32 32 Abian da dagoeneko Elika Safari! https://www.askora.com/eu/albisteak/askora-eu/abian-da-dagoeneko-elika-safari/ https://www.askora.com/eu/albisteak/askora-eu/abian-da-dagoeneko-elika-safari/#respond Wed, 13 Mar 2024 11:30:41 +0000 https://www.askora.com/?p=8544 Zer-nolako harremana dute familiak eguneroko elikadurarekin? Hori da Elika Safari martxan jartzera eraman gaituzten galderetako bat: EAEko 10 familiek parte hartzen duten esperimentu bat, Elikation proiektuaren baitan. Zergatik egin esperimentu bat? Elikation proiektuaren helburua da eskola-ekosistema osatzen duten eragileek euskal gazteei elikadura osasungarriagoa eta jasangarriagoa izaten nola lagun diezaieketen identifikatzea. Horretarako, proiektuaren webgunearen bitartez, inkesta…

La entrada Abian da dagoeneko Elika Safari! se publicó primero en Askora.

]]>
Zer-nolako harremana dute familiak eguneroko elikadurarekin? Hori da Elika Safari martxan jartzera eraman gaituzten galderetako bat: EAEko 10 familiek parte hartzen duten esperimentu bat, Elikation proiektuaren baitan.

Zergatik egin esperimentu bat?

Elikation proiektuaren helburua da eskola-ekosistema osatzen duten eragileek euskal gazteei elikadura osasungarriagoa eta jasangarriagoa izaten nola lagun diezaieketen identifikatzea.

Horretarako, proiektuaren webgunearen bitartez, inkesta bat jarri da abian, gaur-gaurkoz harrera eta erantzun bikaina izaten eta jasotzen ari dena. Eskerrik asko parte hartu baduzu! Eta oraindik egin ez baduzu… Zeren zain zaude? Zure erantzunek ikerketa aberasten lagunduko digute.

Baina inkesta batekin ez dugu lortuko gure helburuaren %100; beraz, ikerketa osatzeko, informazio kualitatiboa lortzeko esperimentu bat abiatu dugu. Ikerketa-fase horri Elika Safari deitu diogu. Elikators-ek (horrela deitzen diegu parte hartzen duten familiei) elikadurarekin lotutako lau erronkari egingo diete aurre astebetean. Eta oraindik ezin badizuegu ere ia ezer kontatu, izan ere, Elikators-ek ezin dute honen berri izan, ziurtatzen dizuegu esperientzia dibertigarria izango dela familiarekin gozatzeko, eta, noski… Oso ekarpen baliagarria! EAEko haur eta gazteen elikadura-eredua hobetzea bezalako erronka estrategikorako informazioa bilduko baitu proiektuak.

Elikation proiektuari eta Elika Safari-ri buruz gehiago jakin nahi baduzu, laster izango dituzu berri gehiago!

La entrada Abian da dagoeneko Elika Safari! se publicó primero en Askora.

]]>
https://www.askora.com/eu/albisteak/askora-eu/abian-da-dagoeneko-elika-safari/feed/ 0
Askora, jasangarritasunarekin konprometitutako euskal enpresa https://www.askora.com/eu/albisteak/askora-eu/askora-jasangarritasunarekin-konprometitutako-euskal-enpresa/ https://www.askora.com/eu/albisteak/askora-eu/askora-jasangarritasunarekin-konprometitutako-euskal-enpresa/#respond Mon, 26 Feb 2024 15:45:43 +0000 https://www.askora.com/?p=8534 Askoran, gure ingurumen-aztarna murriztu nahi dugu, kontsumo arduratsua sustatuz eta tokiko ekoizle txikiei lagunduz. Lehengaiaren kalitatearen aldeko apustua egiten dugu, eta gertuko ekoizleekin lan egitean karbono-aztarna murrizten laguntzen dugu, tokiko ekonomia indartuz. Bide horretan, harro gaude Euskadiko Enpresa Konprometituaren Atlasean aktiboki parte hartzen dugula partekatzeaz. Atlas hori joan den ostegunean aurkeztu zen Donostiako Naturklima eraikinean.…

La entrada Askora, jasangarritasunarekin konprometitutako euskal enpresa se publicó primero en Askora.

]]>
Askoran, gure ingurumen-aztarna murriztu nahi dugu, kontsumo arduratsua sustatuz eta tokiko ekoizle txikiei lagunduz. Lehengaiaren kalitatearen aldeko apustua egiten dugu, eta gertuko ekoizleekin lan egitean karbono-aztarna murrizten laguntzen dugu, tokiko ekonomia indartuz.

Bide horretan, harro gaude Euskadiko Enpresa Konprometituaren Atlasean aktiboki parte hartzen dugula partekatzeaz. Atlas hori joan den ostegunean aurkeztu zen Donostiako Naturklima eraikinean. Atlas hori Ekonomia Digitala Taldearen eta Sofiver aholkularitza-enpresaren arteko lankidetza-egitasmoa da, eta euskal enpresek ingurunearekin, garapen jasangarriarekin, pertsonekin eta gobernantza onarekin duten konpromisoaren ikuspegi integrala eskaintzen du.

Txosten horrek aukera baliotsua ematen digu gure egungo jarrerari buruz hausnartzeko, eta jasangarritasun-arloan nabarmen aurrera egitera bultzatzen gaitu. Izan ere, Askoran, gure produktuen eta zerbitzuen kalitatearen bikaintasunarekiko konpromisoarekin lanean jarraituko dugu, betiere ikuspegi jasangarri eta arduratsuarekin.

Txostena eta emaitzak irakurtzeko, hemen duzu aukera!

La entrada Askora, jasangarritasunarekin konprometitutako euskal enpresa se publicó primero en Askora.

]]>
https://www.askora.com/eu/albisteak/askora-eu/askora-jasangarritasunarekin-konprometitutako-euskal-enpresa/feed/ 0
Elikation, euskal gazterian elikadura-eredu osasungarriagoa eta jasangarria sustatuz https://www.askora.com/eu/albisteak/askora-eu/elikation-euskal-gazterian-elikadura-eredu-osasungarriagoa-eta-jasangarria-sustatuz/ https://www.askora.com/eu/albisteak/askora-eu/elikation-euskal-gazterian-elikadura-eredu-osasungarriagoa-eta-jasangarria-sustatuz/#respond Mon, 26 Feb 2024 08:45:10 +0000 https://www.askora.com/?p=8527 Elikation proiektua Askorak sustatu du, Karabeleko, Lazkaoko San Benito Ikastola, Jesuitak Donostia eta Gipuzkoako Foru Aldundiaren laguntzarekin, Elikadura Jasangarriaren Misioaren esparruan. Proiektuaren helburua da estrategia bateratuak sortzeko aukerak bilatzea, gaur egungo errealitatean oinarrituta, euskal eskola, familia eta gazteei elikadurarekin harreman kontzienteagoa, osasungarriagoa eta jasangarriagoa izaten laguntzeko. Proiektu hau elikadura-ohituretan izandako aldaketa azkarrei erantzuteko sortu da,…

La entrada Elikation, euskal gazterian elikadura-eredu osasungarriagoa eta jasangarria sustatuz se publicó primero en Askora.

]]>
Elikation proiektua Askorak sustatu du, Karabeleko, Lazkaoko San Benito Ikastola, Jesuitak Donostia eta Gipuzkoako Foru Aldundiaren laguntzarekin, Elikadura Jasangarriaren Misioaren esparruan. Proiektuaren helburua da estrategia bateratuak sortzeko aukerak bilatzea, gaur egungo errealitatean oinarrituta, euskal eskola, familia eta gazteei elikadurarekin harreman kontzienteagoa, osasungarriagoa eta jasangarriagoa izaten laguntzeko. Proiektu hau elikadura-ohituretan izandako aldaketa azkarrei erantzuteko sortu da, bereziki eskola-adineko gazteen artean, eta erronka horiei eraginkortasunez heltzeko premiari erantzuteko.

Helburu hori lortzeko, Elikationek eskola-inguruneak elikadura-ohitura osasungarriagoak eta jasangarriagoak hartzean eragin positiboa nola izan dezakeen ikertzen du. Egitasmoak hainbat eragileren parte-hartze aktiboa bilatzen du, besteak beste, irakasleena, familiena eta erakundeena, ikasleei eta haien familiei mesede egingo dieten estrategia zehatzak sortzeko.

Proiektua ikerketa kualitatibo eta kuantitatibo baten bidez gauzatuko da. Ikerketa kualitatiboak San Benito Ikastolako hamar familiek eta Jesuitak Donostiako beste hamar familiek elikadurarekin lotutako hainbat erronka aurrez aurre jarriko dituen “esperimentu” batean parte hartzea eskatuko du. Bestalde, ikerketa kuantitatiboa inkesta bat izango da, elikadura-dinamikak hobeto ulertzeko, bai familian, bai eskolan.

Bi ikerketetatik lortutako emaitzak oinarri izango dira estrategiak eskola-inguruneko eragileekin batera sortzeko.

Askoratik, proiektuan parte hartzera gonbidatzen zaituztegu Elikation-en webgunearen bidez, ikerketa kuantitatiborako lagungarria izango den galdetegi labur bati erantzunez. Izan ere, datozen belaunaldien etorkizuna gaur hartuko ditugun erabakiek markatuko dute.

Sartu galdetegian

La entrada Elikation, euskal gazterian elikadura-eredu osasungarriagoa eta jasangarria sustatuz se publicó primero en Askora.

]]>
https://www.askora.com/eu/albisteak/askora-eu/elikation-euskal-gazterian-elikadura-eredu-osasungarriagoa-eta-jasangarria-sustatuz/feed/ 0
Aupa Zuek! Jangelan baino gehiago, etxean https://www.askora.com/eu/albisteak/jangelan-baino-gehiago-etxean/ https://www.askora.com/eu/albisteak/jangelan-baino-gehiago-etxean/#respond Mon, 26 Feb 2024 08:22:12 +0000 https://www.askora.com/?p=8520 Consuelo Tabernero (Donostia, 1972) sabelak betetzetik haratago doan proiektu baten buru da Maria Reina ikastetxean. Begirale eta garbiketa zerbitzuaren koordinatzaile gisa, Consuk misio garrantzitsu bati heltzen dio: jangela benetako etxe bihurtzea, batez ere eskolen ondoren etxera itzultzeko aukerarik ez duten haur ikasleentzat. “Nik ulertzen dut jangelara datorren haurrak bazkaltzera etorri beste erremediorik ez duela, eta…

La entrada Aupa Zuek! Jangelan baino gehiago, etxean se publicó primero en Askora.

]]>
Consuelo Tabernero (Donostia, 1972) sabelak betetzetik haratago doan proiektu baten buru da Maria Reina ikastetxean. Begirale eta garbiketa zerbitzuaren koordinatzaile gisa, Consuk misio garrantzitsu bati heltzen dio: jangela benetako etxe bihurtzea, batez ere eskolen ondoren etxera itzultzeko aukerarik ez duten haur ikasleentzat.

“Nik ulertzen dut jangelara datorren haurrak bazkaltzera etorri beste erremediorik ez duela, eta desabantaila bat duela etxera doazenekin alderatuta. Etxera doan umea pixka batean sofan etzaten da, telebista ikusten du, eskolatik deskonektatzen du… gainerako haurrek ez”. Hori dela eta, Consu etxe baten antzeko espazioak birsortzen ahalegintzen da, haurrek askatasunez mugitzeko eta eroso sentitzeko aukera izan dezaten.

“Jostailuzko sukalde handi samarra egiteko aukera sortu zen, eta kakorratzez egindako jaki batzuk egin nizkien (pizzak, udareak, muskuiluak…) jolastu ahal izateko”. Espazioak birsortzeaz gain, Consuk jangela jarduera dibertigarri eta sortzailez betetako gune bihurtzen du, eta dinamiketan parte-hartzea hautazkoa da, beti era animatuan. Ostiralak, adibidez, mozorro egunak izan ohi dira.

Egunero, 14:00etatik aurrera, Consuk jostailu-trukea egiten du jangelan geratzen diren haurrekin. Une horretan, Consu patiora ateratzen da, triangeluaren instrumentuarekin, eta haurrak ordenan lerrokatzen dira trukea egiteko. Objektu pertsonal baten truke (adibidez, ile-goma bat, marrazki bat edo etxetik ekarritako panpina bat) jostailu bat ematen zaie. Jostailu horrekin ordubete gozatu ondoren, Consuk berriro jotzen du triangelua, eta haurrek jostailua itzultzen dute. Jostailu hori osorik eta egoera onean badago, Consuk bere objektu pertsonala itzultzen die. Dinamika hori eraginkorra izan da besteren jostailuekiko zaintza- eta erantzukizun-zentzua irakasteko. Egoera txarrean itzuliz gero, konpondu egin behar dute, josten edo itsasten, eta osorik dagoenean orduan itzultzen zaie haien objektu pertsonala.

Konexio emozionala nabarmena da Consuk jangelan geratzea nahiago duten haurrei buruz hitz egiten duenean. “Gustura ikustea gustagarria da. Guraso batzuek esaten didate beren seme-alabek ez dutela etxera joan nahi, jangelan geratu nahi dutela. Horrek esan nahi du zerbait ondo egiten ari garela”.

Askora aipatzen dugunean, Consuk azpimarratzen du enpresa ez dela soilik elikagaiez hornitzera mugatzen; haurren ongizatean eta garapen integralean eta zaintzan ere jartzen du arreta. “Urte asko daramatzagu zentro honetan laguntzen, eta nire taldeak uste du orain benetan jangela bat dela. Lehen, jangela batean baino gehiago, janleku baten moduan ari ginen lanean”. Consuk dio garrantzitsua dela etengabeko prestakuntza eta jolastokiak jolas eta abestiekin dinamizatzen dituzten proiektuetan parte hartzea. “Gainera, Askorak ingurunearekiko duen kezka erakusten du, birziklatzea eta ingurumena zaintzea bezalako ekintza zehatzen bidez. Hondakinak ahalik eta gehien murrizten saiatzen gara eta bertako produktuekin lan egiten dugu. Egunero benetan inporta duten ekintza txikiez arduratzen gara”.

Izan ere, eskolako jangela jateko lekua baino gehiago da; esperientziak eraikitzeko, erantzukizuna sustatzeko eta bertan parte hartzen duen pertsona bakoitzaren ongizate integrala lortzeko toki bat. Ikuspegi horretan aurkitzen dute beren eguneroko egitekoaren benetako gogobetetasuna.

La entrada Aupa Zuek! Jangelan baino gehiago, etxean se publicó primero en Askora.

]]>
https://www.askora.com/eu/albisteak/jangelan-baino-gehiago-etxean/feed/ 0
San Benito Ikastolak Elikation sustatzen du etorkizuneko elikadura aldatzeko. Lagunduko diguzu? https://www.askora.com/eu/private/san-benito-ikastolak-elikation-sustatzen-du-etorkizuneko-elikadura-aldatzeko-lagunduko-diguzu/ https://www.askora.com/eu/private/san-benito-ikastolak-elikation-sustatzen-du-etorkizuneko-elikadura-aldatzeko-lagunduko-diguzu/#respond Wed, 14 Feb 2024 09:35:46 +0000 https://www.askora.com/?p=8426 Lazkaoko San Benito Ikastolatik Elikation-en parte hartzera gonbidatu nahi zaituztegu. Askorarekin elkarlanean ari gara haurrek eta gazteek eskolan eta familian elikadurarekin duten harremana hobeto ezagutzeko, eta Gipuzkoako Foru Aldundiaren laguntza du Elikadura Iraunkorraren Misioaren esparruan. Proiektu honen helburua da euskal gazteek elikadura osasungarria eta jasangarria izan dezaten lagunduko duten estrategiak taxutzea, eskola-ekosistemako eragile guztiak nahasiz.…

La entrada San Benito Ikastolak Elikation sustatzen du etorkizuneko elikadura aldatzeko. Lagunduko diguzu? se publicó primero en Askora.

]]>
Lazkaoko San Benito Ikastolatik Elikation-en parte hartzera gonbidatu nahi zaituztegu. Askorarekin elkarlanean ari gara haurrek eta gazteek eskolan eta familian elikadurarekin duten harremana hobeto ezagutzeko, eta Gipuzkoako Foru Aldundiaren laguntza du Elikadura Iraunkorraren Misioaren esparruan.

Proiektu honen helburua da euskal gazteek elikadura osasungarria eta jasangarria izan dezaten lagunduko duten estrategiak taxutzea, eskola-ekosistemako eragile guztiak nahasiz.

Nola har dezakezu parte?

Bi modutan egin dezakezu. Oso erraza da: 10 minutu baino gehiago beharko ez dituen inkesta bati erantzunez. Beste batek esfortzu handiagoa eskatzen du, baina familian egiteko plan dibertigarria izan daiteke.

Galdetegi bati erantzunez

Jarraian, zuen familian dituzuen elikadura-ohiturei buruzko galdetegi batera sartu ahal izango duzu. 15 minutu baino ez dizu emango, eta familian zein bakarrik egin dezakezu. Zure datuak ikerketa kuantitatibo baten parte izango dira, eta horrek asko lagunduko digu. Parte hartzen dutenen artean Karabeleko-ren 20 barazki saski zozketatuko dira.

Galdetegiari erantzun

Elika Safarin parte hartuz

Animatzen al zara familiako elikadurari buruzko astebeteko esperimentu batean parte hartzera? Jarraian, Ander eta Leire ezagutuko dituzu, esperimentu hau dinamizatuko duten pertsonetako bi, Elika Safari zertan datzan azalduko dizutenak.

Bideoa ikusi baduzu eta esperimentuan parte hartzera animatu nahi baduzue, “Kaixo” idatzi diezagukezue Whatsapp zenbaki honen bidez: 623 97 58 10 (sartu zuzenean hemen klik eginez).

Parte hartzen duzuen 10 familiok pack bat jasoko duzue, janariarekin topera gozatzeko. Oraingoz ezin dizuegu argibide gehiago eman, baina zin dagizuegu esperimentu amaiera ona izango dela!

Zergatik kolaboratzen dugu Elikationekin?

Gure ikastetxearentzat estrategikoa da horrelako ekimenetan parte hartzea, gazteek elikadurarekin duten harremana ulertu nahi baitute, eskola-ekosistemako eragileekin (irakasleak, familiak, erakundeak…) lan egin ahal izateko. Gainera, Askorarekin (gure jangela diseinatu eta kudeatzen duen enpresa) lan egitea aukera bat da gure ikasleengan eta zurea bezalako familietan zuzenean eragingo duten hobekuntzak lortzeko.

Proiektu honek Gipuzkoako Foru Aldundiaren babesa eta parte-hartzea ere badu.

Gehiago jakin nahi duzu proiektuari buruz?

Sartu Elikation-en webgunean

La entrada San Benito Ikastolak Elikation sustatzen du etorkizuneko elikadura aldatzeko. Lagunduko diguzu? se publicó primero en Askora.

]]>
https://www.askora.com/eu/private/san-benito-ikastolak-elikation-sustatzen-du-etorkizuneko-elikadura-aldatzeko-lagunduko-diguzu/feed/ 0
Jesuitak Donostiak Elikation sustatzen du etorkizuneko elikadura aldatzeko. Lagunduko diguzu? https://www.askora.com/eu/private/jesuitak-donostiak-elikation-sustatzen-du-etorkizuneko-elikadura-aldatzeko-lagunduko-diguzu/ https://www.askora.com/eu/private/jesuitak-donostiak-elikation-sustatzen-du-etorkizuneko-elikadura-aldatzeko-lagunduko-diguzu/#respond Wed, 14 Feb 2024 09:24:02 +0000 https://www.askora.com/?p=8421 Jesuitak Donostiatik Elikation-en parte hartzera gonbidatu nahi zaituztegu. Askorarekin elkarlanean ari gara haurrek eta gazteek eskolan eta familian elikadurarekin duten harremana hobeto ezagutzeko, eta Gipuzkoako Foru Aldundiaren laguntza du Elikadura Iraunkorraren Misioaren esparruan. Proiektu honen helburua da euskal gazteek elikadura osasungarria eta jasangarria izan dezaten lagunduko duten estrategiak taxutzea, eskola-ekosistemako eragile guztiak nahasiz. Nola har…

La entrada Jesuitak Donostiak Elikation sustatzen du etorkizuneko elikadura aldatzeko. Lagunduko diguzu? se publicó primero en Askora.

]]>
Jesuitak Donostiatik Elikation-en parte hartzera gonbidatu nahi zaituztegu. Askorarekin elkarlanean ari gara haurrek eta gazteek eskolan eta familian elikadurarekin duten harremana hobeto ezagutzeko, eta Gipuzkoako Foru Aldundiaren laguntza du Elikadura Iraunkorraren Misioaren esparruan.

Proiektu honen helburua da euskal gazteek elikadura osasungarria eta jasangarria izan dezaten lagunduko duten estrategiak taxutzea, eskola-ekosistemako eragile guztiak nahasiz.

Nola har dezakezu parte?

Bi modutan egin dezakezu. Oso erraza da: 10 minutu baino gehiago beharko ez dituen inkesta bati erantzunez. Beste batek esfortzu handiagoa eskatzen du, baina familian egiteko plan dibertigarria izan daiteke.

Galdetegi bati erantzunez

Jarraian, zuen familian dituzuen elikadura-ohiturei buruzko galdetegi batera sartu ahal izango duzu. 15 minutu baino ez dizu emango, eta familian zein bakarrik egin dezakezu. Zure datuak ikerketa kuantitatibo baten parte izango dira, eta horrek asko lagunduko digu. Parte hartzen dutenen artean Karabeleko-ren 20 barazki saski zozketatuko dira.

Galdetegiari erantzun

Elika Safarin parte hartuz

Animatzen al zara familiako elikadurari buruzko astebeteko esperimentu batean parte hartzera? Jarraian, Ander eta Leire ezagutuko dituzu, esperimentu hau dinamizatuko duten pertsonetako bi, Elika Safari zertan datzan azalduko dizutenak.

Bideoa ikusi baduzu eta esperimentuan parte hartzera animatu nahi baduzue, “Kaixo” idatzi diezagukezue Whatsapp zenbaki honen bidez: 623 97 58 10 (sartu zuzenean hemen klik eginez).

Parte hartzen duzuen 10 familiok pack bat jasoko duzue, janariarekin topera gozatzeko. Oraingoz ezin dizuegu argibide gehiago eman, baina zin dagizuegu esperimentu amaiera ona izango dela!

Zergatik kolaboratzen dugu Elikationekin?

Gure ikastetxearentzat estrategikoa da horrelako ekimenetan parte hartzea, gazteek elikadurarekin duten harremana ulertu nahi baitute, eskola-ekosistemako eragileekin (irakasleak, familiak, erakundeak…) lan egin ahal izateko. Gainera, Askorarekin (gure jangela diseinatu eta kudeatzen duen enpresa) lan egitea aukera bat da gure ikasleengan eta zurea bezalako familietan zuzenean eragingo duten hobekuntzak lortzeko.

Proiektu honek Gipuzkoako Foru Aldundiaren babesa eta parte-hartzea ere badu.

Gehiago jakin nahi duzu proiektuari buruz?

Sartu Elikation-en webgunean

La entrada Jesuitak Donostiak Elikation sustatzen du etorkizuneko elikadura aldatzeko. Lagunduko diguzu? se publicó primero en Askora.

]]>
https://www.askora.com/eu/private/jesuitak-donostiak-elikation-sustatzen-du-etorkizuneko-elikadura-aldatzeko-lagunduko-diguzu/feed/ 0
AUPA ZUEK! “Elebitasunak nolabait eragiten dio norberaren izaerari” https://www.askora.com/eu/albisteak/aupa-zuek-elebitasunak-nolabait-eragiten-dio-norberaren-izaerari/ https://www.askora.com/eu/albisteak/aupa-zuek-elebitasunak-nolabait-eragiten-dio-norberaren-izaerari/#respond Tue, 30 Jan 2024 11:06:49 +0000 https://www.askora.com/?p=8363 Eleaniztasunarekiko interesak ekarri zuen Nektaria Konstantellou (Atenas, 1989) Greziatik Euskal Herrira. 2015ean EHUko Eleaniztasuna eta Hezkuntza Masterra ikasteari ekin zion ingelesez, eta denbora-tarte hori nahikoa izan zen ingurukoen bitartez euskal kulturaz zipriztintzeko eta euskararekin liluratzeko. Zenbat eta gehiago sakondu, orduan eta interesgarriagoa egin zitzaion euskal gizartea. Urtebetean euskara ikasi, eta, gaur egun, euskaldun peto-peto bilakatzeaz…

La entrada AUPA ZUEK! “Elebitasunak nolabait eragiten dio norberaren izaerari” se publicó primero en Askora.

]]>
Eleaniztasunarekiko interesak ekarri zuen Nektaria Konstantellou (Atenas, 1989) Greziatik Euskal Herrira. 2015ean EHUko Eleaniztasuna eta Hezkuntza Masterra ikasteari ekin zion ingelesez, eta denbora-tarte hori nahikoa izan zen ingurukoen bitartez euskal kulturaz zipriztintzeko eta euskararekin liluratzeko. Zenbat eta gehiago sakondu, orduan eta interesgarriagoa egin zitzaion euskal gizartea. Urtebetean euskara ikasi, eta, gaur egun, euskaldun peto-peto bilakatzeaz gainera, bere bi pasioak uztartzea lortu du Lazkaoko San Benito ikastolan. 

Nondik datorkizu eleaniztasunarekiko interesa?

Hezkuntza Zientziak Gradua burutu nuen Atenasko unibertsitatean, eta gero, haurren hezkuntzan espezializatu nintzen. Orduan jabetu nintzen testuinguruak eskoletan gero eta anitzagoak direla, eta ez dugula behar adina erremintarik erronka horri aurre egiteko. Elebitasunak nolabait eragiten dio norberaren izaerari. Grezian, esaterako, irekiak gara kulturaz, baina hizkuntzekiko eta kanpotarrekiko ez dago behar adina heziketa. Familia elebiduna izateak asko irekitzen du burua. Eleaniztasuna eta Hezkuntza Masterra zegoela ikusi nuen Donostiako EHUn, eta izena eman nuen. Orduan greziera baino ez nekien, eta ingeles apur bat ere bai, baina segurtasun handirik gabe. Hona etorri eta masterrak mundu berri bat ireki zidan. 

Zergatik Donostia? 

Gizarte elebidun bat barrutik ezagutzea interesatzen zitzaidan, beste hizkuntza kultura bat zuen leku bat. Donostiara etorri aurretik, banuen Euskal Herriaren berri; nire neba oso historiazalea da, eta nire lagun batzuk egonak ziren hemen.  Nire asmoa masterra egin eta Greziara bueltatzea zen, baina zenbat eta gehiago ezagutu ingurua, pertsonak, kultura… orduan eta pena handiagoa ematen zidan bueltatzeak. Pentsatu nuen momentu ona izan zitekeela bertako hizkuntzak ikasteko. 

Euskaldun peto-petoa dirudizu. Nola bilakatu da euskara zure lehenengo hizkuntza izatera?

Hasteko, esan beharra daukat nire burua ez nuela orain bezala irudikatzen. Uste nuen ez nintzela ona hizkuntzak ikasten, baina euskarak burua ireki dit. Hizkuntzekiko nuen jarrera erabat aldatu da, eta ni, gaur egun, beste pertsona bat naiz, euskaraz bizi dena. 

Banekien bi hizkuntzak, gaztelania eta euskara, aldi berean ikastea zaila egingo zitzaidala. Masterra bukatzen ari nintzela, Gaztelaniako gramatika-liburu bat erosi, eta jendearekin kalean hitz egiten ikasi nuen gaztelania. 2019an, barnetegi batera joatea erabaki nuen euskara ikasteko modurik azkarrena zelako. Urtebetez egon nintzen Lazkaoko Maizpide barnetegian, burubelarri, astelehenetik ostiralera. B1 maila eskuratu nuenean, asteburuetan herriko monastegiko ostatuan gelditzea erabaki nuen, euskara gaztelaniarekin ez kutsatzeko.

Urtebetean hizkuntza bat ikastea eta menderatzea ez da lan erraza. Zure jarrerak asko esaten du. 

Nik banekien euskal gizartean ondo integratzeko, euskara beharrezkoa nuela, ez bakarrik lanagatik, baita nire hemengo lagunekin euskaraz aritzeko ere. Edonola ere, esan beharra dago Lazkao oso inguru euskalduna dela eta barnetegia hemen egonda, badagoela kultura bat euskaldun berriei harrera ona egiteko. Bertakoen jarrera txalogarria da.

Zer igarri duzu euskararen ikasketa-prozesuan?

Hizkuntzaren beraren doinua gustatzen zait. Askoren harridurarako, euskara gaztelania baino askoz ere errazagoa da gramatika aldetik. Salbuespen gutxiago ditu, eta arau bat ikasten duzunean, beti da horrela eta kito. Hizkuntzak generorik ez izatea ere opari bat da. Grezian hiru ditugu, pentsa. Hori bai, gehien kostatu zaidana sintaxiaren ordena izan da. 

Eleaniztasuna eta haurrak uztartzen dituen ogibide bat izatea, beraz, zure ametsa da. Egia bilakatutako ametsa.

Egia esanda, bai. Eskolaz kanpoko testuinguruetan haurrekin lanean aritu izan naiz, baina inoiz ez hezkuntza testuinguru batean. Hizkuntza oztopo bat zen lana bilatzeko orduan; oztopo burokratikoa ere bai ikasketak ofizialki onartzeko orduan. Euskarazko C1 titulua lortu nuenean, haurrekin zerikusia zuen zerbaitetan lan egin nahi nuen. Kultur elkarte bat sortzeko saiakera bat ere egin nuen antzerki-tailerretan parte hartzen nuelako. Aurreko ikasturteko otsailean Askoratik deitu zidaten, eta lehen aldiz, erronka berri bati egin behar izan nion aurre, haurrekin eta euskaraz lan egiteari. 

Zer nabarmenduko zenuke zure ogibidetik?

Gustatzen zait ikastolan daukagun filosofia. Umeak oso irekiak eta maitagarriak dira. Pentsatzen dut herri txiki batekoak izateak ere asko egiten duela. Kalean ikusten baditut, egunero agurtzen naute. Oso ondo hartu ninduten lehen egunetik. Izenagatik segituan jabetu ziren ez nintzela hemengoa. Eta segituan interesatu ziren nongoa nintzen jakiteko. Lehenengo hilabetean nik grezieraz hitz egitea nahi zuten. Gaur egun ere, hitzak grezieraz ikasi nahi dituzte, ipuinak kontatzea nahi dute, haien izena nola idazten den ezagutu… Pentsa, batzuk alfabetoa ere ikasi dute. Ni saiatzen naiz jolasa leku guztietara eramaten, eta hizkuntzaren bitartez bada, hobeto.

La entrada AUPA ZUEK! “Elebitasunak nolabait eragiten dio norberaren izaerari” se publicó primero en Askora.

]]>
https://www.askora.com/eu/albisteak/aupa-zuek-elebitasunak-nolabait-eragiten-dio-norberaren-izaerari/feed/ 0
Euskaraz eta euskararen alde, Egunean Behin-ekin https://www.askora.com/eu/albisteak/askora-eu/euskaraz-eta-euskararen-alde-egunean-behin-ekin/ https://www.askora.com/eu/albisteak/askora-eu/euskaraz-eta-euskararen-alde-egunean-behin-ekin/#respond Tue, 30 Jan 2024 11:00:48 +0000 https://www.askora.com/?p=8370 Urte berriarekin batera, Askoran euskararen sustapenarekin eta erabilerarekin dugun konpromisoa berresten dugu, Egunean Behin Euskal Herriarekin zerikusia duen guztia zabaltzeko eta gure hizkuntza sustatzeko plataformaren 14. denboraldiarekin bat eginez. Ia bost urte bete ditu Egunean Behin jolasak, eta arrakasta nabaria da; 64.000 jokalariko audientzia erakarri du aurreko denboraldian, guztira 2.450.000 partida batuz. Oraingoan, Askorak bat…

La entrada Euskaraz eta euskararen alde, Egunean Behin-ekin se publicó primero en Askora.

]]>
Urte berriarekin batera, Askoran euskararen sustapenarekin eta erabilerarekin dugun konpromisoa berresten dugu, Egunean Behin Euskal Herriarekin zerikusia duen guztia zabaltzeko eta gure hizkuntza sustatzeko plataformaren 14. denboraldiarekin bat eginez.

Ia bost urte bete ditu Egunean Behin jolasak, eta arrakasta nabaria da; 64.000 jokalariko audientzia erakarri du aurreko denboraldian, guztira 2.450.000 partida batuz. Oraingoan, Askorak bat egingo du ekimenarekin, eta “Askora” taldea sortuko du enpresako edonork parte hartzeko aukera izan dezan. Denboraldiaren amaieran, gure taldean puntuaziorik altuena lortu duen pertsona sarituko dugu.

Euskararen sustapena eta erabilera funtsezko zutarriak dira Askoraren eguneroko estrategian, eta hori gure jardueraren alderdi guztietan islatzen da, ahalegin txiki bakoitzak inpaktu esanguratsua eragiten duela sinetsita. Gainera, euskararen normalizazioarekin dugun konpromisoa Bikain zigiluak bermatzen du. Zigilu horrek enpresaren esparru sozioekonomikoan hizkuntza-kudeaketaren kalitatea ziurtatzen du, eta euskara ikasteko, praktikatzeko eta freskatzeko interesa duten pertsona guztientzako prestakuntza-plana eskaintzen jarraitzen dugu.

Horrez gainera, euskararen inguruko egitasmoetan ere aktiboki parte hartzen dugu, ikastetxeetako kolaborazioak barne, hala nola 2022ko Ibilaldian parte hartzea. Oraingo honetan, emaitzak ezagutzeko irrikan gauden joko baten parte aktibo gisa batuko gara. Zorte on, talde!

La entrada Euskaraz eta euskararen alde, Egunean Behin-ekin se publicó primero en Askora.

]]>
https://www.askora.com/eu/albisteak/askora-eu/euskaraz-eta-euskararen-alde-egunean-behin-ekin/feed/ 0
Gure ongizatea ezagutuz, Tomás Elorriagaren gidaritzapean https://www.askora.com/eu/albisteak/askora-eu/gure-ongizatea-ezagutuz-tomas-elorriagaren-gidaritzapean/ https://www.askora.com/eu/albisteak/askora-eu/gure-ongizatea-ezagutuz-tomas-elorriagaren-gidaritzapean/#respond Tue, 23 Jan 2024 14:05:45 +0000 https://www.askora.com/?p=8375 Askora Bora Bora izenburupean, ongizate-plana definitzeko prozesuari ekin diogu. Bidaia zirraragarria da Askora osatzen dugun pertsona guztion ongizate indibidual eta kolektiborantz, eta urrats esanguratsua haren baterako sorkuntzan. Hitzaldia, dinamika interaktiboekin eta kafearen inguruan partekatzeko uneekin batera, esperientzia aberasgarria izan zen denontzat; bertan izan ziren ere Sasoi lan osasunerako aholkularitzako kideak. Ongizate plana osatzen joateko, galdetegi…

La entrada Gure ongizatea ezagutuz, Tomás Elorriagaren gidaritzapean se publicó primero en Askora.

]]>
Askora Bora Bora izenburupean, ongizate-plana definitzeko prozesuari ekin diogu. Bidaia zirraragarria da Askora osatzen dugun pertsona guztion ongizate indibidual eta kolektiborantz, eta urrats esanguratsua haren baterako sorkuntzan.

Hitzaldia, dinamika interaktiboekin eta kafearen inguruan partekatzeko uneekin batera, esperientzia aberasgarria izan zen denontzat; bertan izan ziren ere Sasoi lan osasunerako aholkularitzako kideak.

Ongizate plana osatzen joateko, galdetegi bat sortu dugu taldea osatzen dugun pertsonen osasuna eta ongizatea hobeto ezagutzeko. Galdetegi horrek ongizate-plana diseinatzen jarraitzeko gakoak emango dizkigu.

La entrada Gure ongizatea ezagutuz, Tomás Elorriagaren gidaritzapean se publicó primero en Askora.

]]>
https://www.askora.com/eu/albisteak/askora-eu/gure-ongizatea-ezagutuz-tomas-elorriagaren-gidaritzapean/feed/ 0
Eguberri jasangarriago eta arduratsuago baten alde, Zero Despilfarro https://www.askora.com/eu/albisteak/askora-eu/eguberri-jasangiarriago-eta-arduratsuago-baten-alde-zero-despilfarro/ https://www.askora.com/eu/albisteak/askora-eu/eguberri-jasangiarriago-eta-arduratsuago-baten-alde-zero-despilfarro/#comments Wed, 20 Dec 2023 15:28:57 +0000 https://www.askora.com/?p=8317 Ba al dakizu Gabonak direla elikagai gehien alferrik galtzen den unea? Eta etxeetan pilatzen dela gehien hondakin mota hori? Askorak lehentasuna ematen dio elikagaiak alferrik ez galtzeari, eta, nahiz eta gure zentroetan hartzen ditugun neurrien bidez gure ekarpenik handiena egiten dugun, gure inpaktua askoz ere esparru gehiagotara iristen da; esaterako, gure taldearen eta artatzen ditugun…

La entrada Eguberri jasangarriago eta arduratsuago baten alde, Zero Despilfarro se publicó primero en Askora.

]]>
Ba al dakizu Gabonak direla elikagai gehien alferrik galtzen den unea? Eta etxeetan pilatzen dela gehien hondakin mota hori?

Askorak lehentasuna ematen dio elikagaiak alferrik ez galtzeari, eta, nahiz eta gure zentroetan hartzen ditugun neurrien bidez gure ekarpenik handiena egiten dugun, gure inpaktua askoz ere esparru gehiagotara iristen da; esaterako, gure taldearen eta artatzen ditugun pertsonen etxeetara.

Erronka honi buruzko sentsibilizazioak kezkatzen eta arduratzen gaitu, baita ospakizun-egun bereziotan ere. Horregatik, eta Zero Despilfarro plataformako kide garelako, Gabon hauetan Elikaren (Nekazaritzako Elikagaien Segurtasunerako Euskal Fundazioa) ¡Zero Despilfarro! egitasmoarekin bat egin dugu, eta gure lantaldeari eta kolaboratzaileei banatutako Gabonetako opari-sortan, elikagaiak alferrik ez galtzeko aholkuak gehitu ditugu. 

2024arekin batera, neurri, egitasmo eta proiektu berriei ekingo diegu. Horien artean, urteko lehen hilabeteetan Gipuzkoako Foru Aldundiarekin elkarlanean abian jarriko dugun proiektu esperimental bat nabarmenduko da. Eta proiektu horretan, Elikaren laguntza izango dugu, beste eragile batzuen artean. 

Mugarri handi horiek iristen diren bitartean, eguneroko lanean dihardugu, eta gustatuko litzaiguke zuk ere egun bereziotan gauza bera egitea. Zerodespilfarro.eus webgunean, elikagaien xahutzea eta jakiak alferrik galtzea nola murriztu ezagutu dezakezu.

Gabon jasangarri eta arduratsuak opa dizkizugu!

La entrada Eguberri jasangarriago eta arduratsuago baten alde, Zero Despilfarro se publicó primero en Askora.

]]>
https://www.askora.com/eu/albisteak/askora-eu/eguberri-jasangiarriago-eta-arduratsuago-baten-alde-zero-despilfarro/feed/ 1